146. Stephani an seinen Bruder, Prior Laurentius Stephani in Wilten [Stams], 6. September 1648 Stephani informiert seinen Bruder vom Tod der Elisabeth Retler, die seit vielen Jahren Mitglied der Marianischen Gesellschaft in Wilten war. Dieser Gesellschaft hat sie 12 Kreuzer und drei Gulden hinterlassen, die Stephani nun seinem Bruder, dem Vorsitzenden dieser Erzbruderschaft, schickt. Andere Utensilien hat Eva Stöckl an sich genommen. Die Daten weiterer Mitglieder, die Stephani anwerben konnte, schickt er ebenso mit, wie auch die Blätter derer, die gestorben sind und ein Loch in die Gemeinschaft gerissen haben. Ad fratrem meum Laurentium Wilthinae canonicum Praemonstratensem, 6. Septembris 1648. Admodum reverende et clarissime domine, frater amantissime Salutem, preces et officia in omnem occasionem paratissima

-- F60v --

(1) Defuncta non ita pridem est in territorio nostro Elsbethe Retlerin, inclyto coetui Marianae societatis apud Wilthinam ante annos quammultos mancipata; erga quam ut affectum suum ac devotionem pro modulo ultimo contestaretur, ex asse paupertatis suae eidem cum crucigeris 12, tres florenos legavit, quos ego desuper rogatus reverendae admodum dominationi vestrae archiconfraternitatis celeberrimae praesidi hisce inclusos transmitto. (2) Schedam, quam illa de rosario perpetuo olim tulerat, una remitterem, nisi mox ab obitu ipsius alia eandem mulier suscepisset Eva Stöklin dicta.

(3) Ceterum quia hoc anno magnae Virginis patronae nostrae in obsequium devotissimi psalterii aliquot psaltores et psaltrias noviter adduxi, eos brevi hic syllabo recensitos notifico. (4) Alios vero tres de gremio conventus nostri, qui quod glebam in ore habeant, iam psallere desierunt, eadem opera denuntio, ut lacuna, quam sua illi morte in horario coronae servitio fecerunt, per alios valeat devotos oratores expleri. (5) Atque hisce raptissime peraratis reverendissimae admodum dominationi vestrae me commendo ac fratrem fraterne saluto.