Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
145. Stephani an Vikar Sebastian Zigl in St. Peter
[Stams], 23. August 1648
Stephani bedauert es, dass Zigl seine geplante Reise nach Stams nun krankheitshalber
nicht stattfinden kann. Am Festtag des Hl. Bernhard wurden gleich fünf Leute in
Stams eingekleidet: zwei junge für das Priesteramt bestimmte und drei Konversen.
Stephani dankt für die Früchte, auch wenn die Pfirsiche nur mehr als eine Masse
angekommen sind. Stephani hofft, dass es sich bei Zigls Krankheit nicht um die
handelt, die die Schwellen der Armen meidet und nur bei den Reichen Einzug hält.
Ad reverendum patrem Sebastianum Zigl, vicarium ad sanctum Petrum, 23. Augusti anno
1648.
Reverende in Christo, religiose et amande pater
(1) Quantum ego reverentiae vestrae adventum hac aestate desideraveram, tantum eidem
condoleo, quod nunc per inopinatum morbum a toties propositi itineris exsecutione
sit praepedita. (2) Vidisset reverentia vestra in solemnitate almi patris nostri
Bernardi[ERROR: no reftable :]
solemnitate ... Bernardi] 20. August. quinque personas
habitu neophytorum amiciri, duos iuvenes pro clericatu et tres homines maturos pro
statu conversorum; quibus omnibus Deus clementissimus gratiam perseverantiae largiri
velit, mihi vero indigno fluenta sapientiae et doctrinae, quibus novellas huiusmodi
plantas ad virtutis normam rigare valeam et instruere.
(3) Porro pro frugibus praesentatis grates habemus reverentiae vestrae ex debito et
solito, maxime pro uvis; nam de malis Persicis modicum recreati sumus, quando fere
omnia in unam massam computruerunt, ut vix unum alterumve repererim salvum et
integrum. (4) Haec raptim et propere precando reverentiae vestrae respirationem
celerem a sua aegritudine, quam ego suspicari nolim esse morbum illum, qui pauperum
tuguria declinare et ad magnatum tantum limina divertere consuevit; hic nam aegrius
eicitur, quam non admittitur hospes, a quo nos ambos protectio superna diu
custodiat!
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|