Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(3) Pro pileo transmisso gratias reverentiae vestrae ago, quas par est, eo -- F60r --
tamen ex capite minus fructuose locatam doleo pecuniam, quod reverentia vestra eam
in illud mercimonii genus expenderit, cuius ego nullam patior indigentiam, quippe
provisus de optimo pileo novo, quem per tres, aut quod excurrit, annos cista
reclusum numquam adhuc gestavi. (4) Sed nemo erit ex fratribus alius, qui et
supradictum excellentiae vestrae munus patulis manibus laetabundus excipiet et
nummos desuper optime impensos dicat. (5) Mihi (liceat edicere, quod prurit animus)
magis risum fecissent tibialia alba pro hieme, quae apud mercatores nostros vix
umquam inveniuntur. (6) Pro salute amica mitto vobis amicissimam et in amoribus, ut
scio, semper habitam, cuius directioni maternae me et reverentiam vestram studiose
commendo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|