Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

142. Stephani an Abt Bernhard Gemelich in Innsbruck [Stams], 21. Juli 1648 Stephani hat dem Konvent Peter Neyers Gesuch um Aufnahme ins Kloster vorgestellt. Obwohl sie ihn persönlich sehen wollten, überzeugten seine frommen Worte schließlich. Stephani würde sich über ein neues Mitglied im Chor sehr freuen. Vorgestern wurde in Silz der alte Bürgermeister Johannes Täsch begraben. Ein Gast in Stams, Sebastian, ist vor wenigen Tagen mit Johannes Christl nach Längenfeld gereist und hat dort die Witwe des Ulrich Kuen geheiratet. Kleine Feierlichkeiten werden bald in Umhausen stattfinden. Stephani hat Christoph List für eine Woche nach Innsbruck geschickt, damit er sich im Kreise seiner Familie über seine Ziele klar werden könne.

-- F59r --

Ad dominum abbatem nostrum inter Oenipontanos degentem, 21. Iulii anno 1648. Reverendissime in Christo pater, observandissime domine domine Intimam salutem et omnem felicitatem a Domino

(1) Petitionem desiderantis habitum nostrum Petri Neyer dilecto conventui, ut iussus eram, exposui; qui licet faciem supplicantis quam manum scribentis videre maluisset, tamen audita humilis oratoris epistula, qua religionis nostrae consortium tam affectuose flagitat et tam ardenter exambit, in eius sententiam et votum non inviti iuvere omnes precantes eidem non tantum amictus sacri susceptionem novitiam, verum etiam perseverantem usque ad tumbam in Dei voluntate famulatum; (2) qui si nullo corporis sit defectu et cantus (si nondum calleat) saltem addiscendi capax, hic gratior erit, quo in exsequendo proposito celerior, maxime si cum unius pluriumve sociorum auctario venerit.

(3) Nudiustertius Silzenses tumulo intulerunt primarium concivem suum Ioannem Täsch, qui post quadriennem grabati custodiam et impensas maximas in diversos homines haud bonae notae frustra dispersas tandem 18vo Iulii male sorti et macri corporis sui hospitem, animam, sub noctis primordia emisit, quod dolendum, sine praeviis ecclesiae sacramentis. (4) Luctum ob eius mortem audio inter vicinos et cognatos haud grandem exstitisse lacrimasque de facili fuisse abstersas.

(5) Hospes noster Sebastianus nuperis diebus nobis omnibus prorsus insciis unico comite Ioanne Christl profectus in Langenfeld, VI. huius, qui Veneris erat dies, ibidem mox ab audito sacro sponsalia celebravit cum relicta vidua hospitis quondam Udalrici Kuen indeque regressus statim postridie e suggestu denuntiationem fieri expetiit et curavit; qui si humori suo primitus concepto insistat et amicorum consilio alio non flectatur, post dies 12 nuptias habebit in Umbhausen sine strepitu, sine tripudio, unica forsan mensa convivas suos omnes locaturus; quod num tenacitatis, vel qua alia causa intendat, non iudico.

(6) Christophorum List pro octo dierum vacatione Oenipontum dimisi, eo potissimum fine, ut ipsius tutoribus et consanguineis liceat expiscari sensum eius ac intentionem de statu amplectendo, ratione cuius sollicitudinem illos gerere, non semel intellexi. (7) Et hisce reverendissimae pietati vestrae cum salute humili me commendo.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic