Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) In absentia reverendissimi mei[ERROR: no reftable :] reverendissimi mei] Gemeint ist Abt Bernhard
Gemelich. comitiis provincialibus Oeniponte detenti
notifico amplissimae dominationi vestrae instrumentum tandem feliciter appulisse una
cum litteris concessionis super permutando iure patronatus inter duas ecclesias
monasteriis Ebracensi et Brunbacensi incorporatas; (2) quae licet reverendissimus
meus perlubenter in originali seu autographo ad amplissimam dominationem vestram
illico destinasset, tamen quia plerisque provinciis a militum faece nondum
perpurgatis, interea adhuc sunt plena hostilitatibus referta periculis, consultum
non duxit, huiusmodi epistulas ac brevia magni momenti et gravis importantiae
incerto aeri committere. (3) Solus itaque decreti memorati transsumptum inpraesens
ablegandum censuit paratus, ubi ab amplissima dominatione vestra viam certam et
tutam didicerit, mox ipsum etiam originale submittere. (4) Ceterum errores quosdam
pauculos haud dubie properantis calami incuria in ipsas litteras originales illapsos
amanuensis noster corrigere non praesumpsit, tum ob respectum venerandi patris
secretarii Cisterciensis, tum quod tabellionis esse putaret ex fide integre omnia
reddere. (5) Super harum porro receptione reverendissimus meus certior fieri
peroptat, qui interim post affectuosam salutem amplissimae dominationi vestrae et de
indepta confirmatione sincerissime gratulatur et operam suam ac officia in alios
quoscumque eventus promptissime offert ac spondet. (6) Dedi ex monasterio nostri
sancti Ioannis Baptistae in Stambs pridie poenitentis dominae Magdalenae.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|