140. Stephani an Abt Bernhard Gemelich in Innsbruck [Stams], 14. Juli 1648 Der Überbringer dieses Briefes hat im Konvent von Stams den Antrag gestellt, der neue Bader zu werden; doch alle wollen lieber beim bewährten Bader von Silz bleiben. Stephani hat ihn dann zu Fuß nach Innsbruck zu Abt Gemelich geschickt. Bruder Ludwig [Winter] hat seine Reise nach St. Peter angetreten. Der Visitator hat Stams verlassen und ist durch die Schweiz nach Lützel weitergezogen, wo vor kurzem erst Abt Norbert eingesetzt wurde, der ehemalige Prior von Wettingen. Stephani ist nicht unerfreut über die Abreise des Visitators. Ad dominum abbatem nostrum Oeniponti inter comitia versantem, 14. Iulii 1648. Reverendissime in Christo pater, amplissime praesul, observandissime domine, domine

(1) Relator harum petitionis suae effectum penes conventum assecutus non est; cum enim balneator Silzensis ita nobis hactenus operam suam et servitia locarit, ut nihil querelae moveri adversus eum iure possit, aequum non duximus bonum virum ab officio nil tale merentem abdicari. (2) Quocirca seniorum et saniorum, quos desuper in consilium vocavi, communis vox et votum a partibus Matthiae stetit, ut scilicet illius servitiis porro utamur, a quo omnis hucusque satisfactio est praestita nec in futurum praestanda ambigitur. (3) Hunc ego, qui reverendissimae pietati vestrae toties exstitit importunus, eadem, qua venerat, via bonis avibus abire permisi, eo tantum incommodo plexum, quod, qui eques advenerat, postridie pedes redire coactus sit, siquidem iumentum una cum cursore, mox ubi ad aedes hospitis nostri appulerat, Oenipontum relegavit persuasus se iam Stambsensem esse.

(4) Frater Ludovicus[ERROR: no reftable :] frater Ludovicus] Gemeint ist Bruder Ludwig Winter. elapsa domenica post epulum meridianum cum nuntio Maisensi iter ad sanctum Petrum gaudens arripuit, coelo quidem sereno egressus, sed paulo post pluvia haud illiberaliter tinctus; qui de profectione pedestri nihil causatus tantum arctitudinem termini seu temporis clam

-- F58v --

querebatur, quod spatium viae itu et reditu emetiendae ferme exaequaret longitudinem dierum, quos in Athesi pro relaxatione sibi et genio suo indulgere posset.

(5) Heri reverendissimus dominus visitator a nobis discessit per Helvetios petiturus Lucellam, cui novus iam praesidet abbas Norbertum se nuncupans, ille idem forsitan, qui capitulo Maris-Stellano nomine reverendissimi sui Laurentii prior interfuit. (6) De hoc porro itinere suo praedictus dominus visitator tuba altum non cecinit, ita in silentio digressus, ut nullus de conventu quidquam resciverit nedum valefecerit. (7) Verum sicut recessu illius tristati haud sumus, ita multum laetabimur, cum reverendissimam pietatem vestram reducem salutare licuerit, cui interim me et commissos filialiter commendo.