(1) Appulit tandem, quem praestolabar, nuntius ex canonica Maisensi emissus, quem ad reverendissimam pietatem vestram Oenipontum mox recta dirigere volui, quod is non solum de Athesinis fructibus quidpiam, verum etiam aliquantum [ERROR: no reftable :] etiam aliquantum] inter etiam et aliquantum in rasura: de. seminis metallici aut glebae fulvae apportet. (2) Si reverendissima pietas vestra iudicet dandum aliquid esse petitioni et voto fratris Ludovici [ERROR: no reftable :] fratris Ludovici] Gemeint ist Bruder Ludwig Winter (vgl. ep. 136). pro lacte matris ad montem sancti Petri suspirantis, harum portitor ei se viae socium iungere posset, qui ipsum ad terram desiderabilem forsitan limite satis compendioso perduceret. (3) Ego quidem desiderio illius, si reverendissima pietas vestra annuat, non obsistam, quantumvis non ignorem chorum nostrum hoc temporis de personis et cantoribus non admodum bene provisum. (4) Exspecto tantum placitum reverendissimae pietatis vestrae verbo aut littera unica intimandum.