Ad patrem Ioannem Schnürlin ibidem versantem, 26. Februarii 1648. Venerabilis in Christo, religiose ac peramande pater

(1) Gratam fuisse nec inhilariter exceptam a reverentia vestra, quam xenii vice transmiseram nuper, crucem parvulam e proximis eiusdem libenter intellexi, non minus gratam habens voluntatem reverentiae vestrae, tam parvo contentam et modico saturatam. (2) Dives non sum, pretiosa largiri non possum, et si in munusculis meis raritas spectatur, non caritas, nihili sunt universa donaria mea.

(3) Essem in epistulis transmittendis crebrior, nisi negotia plerumque cumulata calamum aut animum alio avocarent. (4) Impraesentiarum vero aliquid scribere debui, quando cellarius noster Ioannes ex monasterio pedem efferre nolebat, nisi vel litterulam saltem a me reciperet reverentiae vestrae exhibendam. (5) Is super felici eventu negotii sui, impetratae scilicet legitimationis, laetitia et gaudio gestit, supra quam dici aut credi possit.

(6) Pater noster Bartholomaeus[ERROR: no reftable :] pater ... Bartholomaeus] Gemeint ist Pater Bartholomäus Hol. infirmitate iam inde ab autumno anni praeteriti contracta etiamnum misere laborat, adhuc officio tamen manuum destitutus et infirmitorii custos assiduus, in quo omnia paene (certe quamplurima) medicamenta incassum sunt adhibita; (7) qui etiam nunc ad tempus saltem, quem consulat, medicum non habet mortuo nimirum doctore Paulo Weinhart, venerando et optimo sene, qui vivere desiit 21. Februarii decurrentis aetatis suae anno 77. (8) Cuius animam reverentiae vestrae in preces et sacrificia, nos vero utrimque divinae protectioni commendo.