13. Stephani an Kooperator Johannes Schnürlin in Mais [Stams], 15. April 1644 Stephani berichtet Schnürlin, dass die Osterfeierlichkeiten vom plötzlichen Tod des Apothekers Lambert überschattet wurden. Er drückt Schnürlin, der ein enger Freund Lamberts war, sein Beileid aus. Dem Brief sind die gewünschten Predigten und die philosophischen Schriften beigelegt. Die kasuistischen Texte müssen noch ausbleiben, da sich Pater Eugenius [Eyberger] bei deren Abschrift sehr viel Zeit lässt. Pater Malachias [Saur] fühlt sich nicht wohl in Mais, da er nur mit Beichten, Predigten und Katechismusunterricht beschäftigt ist. Von seinem Reisegeld schickte Malachias 22 Gulden nach Stams zurück. Ad eundem, 15. Aprilis anno 1644. Multum reverende in Christo pater, confrater dilectissime

(1) Pascha, quod reverentia vestra mihi meisque tam faustum apprecata est,

-- F7r --

superis opitulantibus bene sani atque in Domino hilares transegimus. (2) Aliqualis tamen nebecula eum nostrae laetitiae diem inde quadantenus infuscare visa est, quod in ipsis resurgentis Christi solemniis triste nobis funus efferendum [ERROR: no reftable :] Inter efferendum et fuerat duplim nobis. fuerat, pharmacopaei scilicet nostri Lamberti, qui ipso sacri paschatis die sub vesperum fatis concessit.

(3) Frequentiori ad infirmos excursu reverentiam vestram multum inquietari, non invitus credo, quippe quae eiusmodi excursionibus nondum insueverit, forsan difficulter etiam assuetura. (4) Quodsi vota hac in re quidquam possunt, ego et vobis quietem ac pacem et terris vestris sidus salubre et universis accolis sospitatem animitus exopto.

(5) Synopses concionum et cursum philosophicum transmitto, ut pollicitus sum, [ERROR: no reftable :] pollicitus sum] Vgl. ep. 12. non item scripta casuistica, de quorum receptione nescio quid spei facere possim; scriptor nam illorum pater Eugenius[ERROR: no reftable :] Eugenius] Gemeint ist Pater Eugenius Eyberger. admodum lente festinat causatus aliud se reverentiae vestrae non promisisse, nisi quod interdum per subsecivas horas, cum bene sibi allubuerit, ex iis quidpiam describere velit; cui conscriptioni ego quidem ante medium futuri autumni finem imponendum vix auguror. (6) Patrem Malachiam[ERROR: no reftable :] patrem Malachiam] Gemeint ist Pater Malachias Saur. aegre a Maisensibus avvulsum esse facile mihi persuadeo; ipsummet nam iam aliquoties dictitantem audivi, si modo duorum adhuc dierum inducias in Mais habuisset, egregie se rebus suis prospecturum fuisse, nunc vero tum ob continuam in confessionali detentionem, tum ob itineris maturandi nimis celerem terminum, vix reculas suas convasare potuisse. (7) Ditavit is me pecuniis suis, insigniter sane, sicut nam reverentiae vestrae obolum non reliquit, ita mihi nec denarium attulit, quinque siquidem numismata aurea 22 florenorum, quae ei de viatico superfuerant et mihi consignare voluerit, reverentissimus [ERROR: no reftable :] reverentissimus] Gemeint ist Abt Bernhard Gemelich. tamen ab eo non sine gravi interminatione universa exegit et recepit. (8) Officium quoddam vacans bonus pater Malachias his temporibus non invenit, sed solis concionibus et catechizanda dominicis diebus iuventute occupatur. (9) Haec paucula aurigis iam iam abiturientibus properanter exarare licuit.