129. Stephani an Paul Weinhart in Innsbruck [Stams], 29. November 1647 Das Brenneisen, das Stephani von Weinhart bekommen hat, schickt er nun zurück und bedankt sich dafür. Er nützt die Gelegenheit, um über den Gesundheitszustand zweier Brüder zu berichten: Pater Bartholomäus [Hol] war schon auf dem Weg der Besserung, als er zuviel aß und wieder in großes Leiden zurüchfiel. Jetzt bereitet ihm bereits die kleinste Berührung an den Hand Schmerzen. Bruder Fuchs ist dem Tode schon sehr nahe, er wurde mit der letzten Ölung versehen. In Post-Scriptum des nächsten Tages berichtet Stephani, dass Bruder Fuchs in dieser Nacht verstorben ist. Ad doctorem medicum Paulum Weinhart, 29. Novembris anno 1647. Nobilis. clarissime et excellentissime domine

(1) Cauterium, quod interventu dominationis vestrae commodate nuper accepi, ut ad locum, unde exiit, tempori revertatur, per proprium latorem cum litteris hisce Oenipontum relegare volui grates utrimque fideliter agens, tam matronae mutuanti, quam excellentiae vestrae procuratorio nomine id mihi transmittenti.

(2) Ceterum ut eadem occasione notificem excellentiae vestrae statum duorum, quos adhuc sustinemus, in infirmatorio languentium, pater Bartholomaeus [ERROR: no reftable :] pater Bartholomaeus] Gemeint ist Pater Bartholomäus Hol. cum per mensem circiter constitutione ventriculo optima fuisset et cibi appetentia vivacissima, nesciens hanc debite moderari, ante dies plus minus 15 carne vervecina ac semel piscibus salsis avidius ingurgitatis stomachum plus aequo oneravit, quo factum, ut non modo edendi appetitum omnem deperderet, verum etiam amisso beneficio alvi inter magnos cum ventris tum pectoris dolores et vellicationes noctes totas traheret insomnes, quo se verteret, nescius. (3) Qui sera demum ductus paenitentia, quodque per ingluviem peccaverat, ieiunio volens redimere multorum dierum sobrietate aut fere potius inedia vix tandem reparare potuit, quod excessu unico pessum dederat. (4) Nunc temporis tota eius afflictio in nervis residet bracchiorum, quae admodum extenuata velut graciles quidam bacilli, usu etiam cuiuscumque diaetae nec carnis accretione augescunt nec robore aut motus virtute firmantur. (5) Et quod mirandum magis, utrumque illius bracchium occulta quaepiam occupat vis doloris, adeo ut vel levem attactum manus dolorifice sen

-- F54v --

tiat, proindeque etiam de nocte lateri incubare non valeat.

(6) Fratri Fuxio[ERROR: no reftable :]fratri Fuxio] Gemeint ist Bruder Johannes Fuchs. male amplius non est, quia propediem est constitutus in procinctu itineris de morte ad vitam, de labore ad requiem, de tempore ad aeternitatem. (7) Sacro cum viatico et suprema olei sacrati tinctura iam communivimus nec aliud praestolari posse videmur, quam ut proxime animam eiusdem angeli in refrigerium educant. (8) Benignissimus Deus et huic in longinquam regionem concedenti felicem praestet ducatum et illi (patri Bartholomaeo), ut in Dei servitio et vinea ulterius laborare queat, desideratam tribuat valetudinem. (9) Quo in voto finio epistulam atque una excellentiam suam et suos ac suas quam humanissime saluto.

(10) P.S.: Haec ubi exaraveram ac litteras signaturae iam iam subicere paraveram, accidit eum, quem in via positum primum memorabam, opinione nostra citius ad ipsam metam pervenire: Heri etenim sub horam sextam vespertinam frater Fuxius animam placidissime posuit, cum usum non modo rationis, sed et linguae fere ultra supremum dimidium quadrantem retinuisset.