Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
127. Stephani an Paul Weinhart in Innsbruck
[Stams], 14. November 1647
Als Stephani vom Markt in Hall nach Stams zurückkehrte, fand er Bruder Fuchs in noch
schlechterem Zustand vor: Weil er nun auch seine Beine nur mehr schwer bewegen
konnte, verbat ihm Stephani, das Bett zu verlassen. Stephani fragt Weinhart, ob in
einer solchen Situation Bäder noch etwas helfen könnten. Persönlich glaubt er, dass
Bruder Fuchs an seinem Lebensabend angelangt sei. Er ist aber für jeden Rat dankbar.
Als kleine Aufmerksamkeit überbringt der Bootsmann Barrabas ein paar Früchte aus
Stams.
Ad doctorem Paulum Weinhart, medicum nostrum, 14. Novembris anno 1647.
Salutem et pacem tum huius temporis, tum illam, quae exsuperat omnem sensum
Nobilis et excellentissime domine
(1) Reversus domum e mercatu Halensi fratrem Fuxium[ERROR: no reftable :] fratrem Fuxium] Gemeint ist Bruder
Johannes Fuchs (vgl. Album Stamsense Nr.
438). in infirmitorio peius habentem offendi, quam
abituriens reliqueram; siquidem nunc in illo non manus modo et bracchia, sed et
pedes etiam officio suo fungi desierunt, ita ut aeger super ipsa planitie pavimenti
labantibus genibus aliquoties per diem solo allidatur, quam ob causam heri eidem
lecti egressum omnino inhibui. (2) Ceterum an in tanta virium debilitate positus,
usurpare porro debeat curam thermarum de lignis iuniperi (quam quidem nondum
inchoavit), dubii sumus atque adeo ab excellentia vestra consilium praestolamur. (3)
Meo tenui iudicio bonus frater multis laboribus iam dudum exhaustus declinat ad
vitae vesperam recepturus proxime denarium, pro quo sudaverat. (4) Quodsi tamen
sanitati restituendae aut saltem diebus eius super terram prolongandis excellentia
vestra quidquam proficuum noverit, iubeat, imperet facturis, quidquid e re fuerit.
(5) De fructibus pomerii nostri poma paucula praesenti occasione defert ratifex
noster Barrabas. (6) Excellentia vestra non tam modicum illud, quod mittitur, quam
pronum mittentis affectum aequi bonique cunsulit; cui ut in gymnasio patientiae suae
tam diu recubanti Aesculapius ille coelestis optatam reddere valetudinem velit,
impensissime voveo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|