120. Stephani an Vikar Sebastian Zigl in St. Peter [Stams], 21. August 1647 Stephani nimmt Zigls Entschuldigung dafür an, zum Fest des Hl. Bernhards keine Früchte nach Stams geschickt zu haben. Das kalte Wetter lässt heuer alles etwas später reifen. Die Pfirsiche und das süße Brot, von dem Zigl schrieb, sind jedoch nicht zu Stephani gelangt. Denn was nicht explizit gekennzeichnet ist, kommt zum Abt, wenn die Boten keine genaueren Instruktionen haben. Zigl soll ihnen besser sagen, wer was bekommt. Ad patrem Sebastianum Zigl, vicarium ad sanctum Petrum, 21. Augusti anno 1647. Venerabilis in Christo, religiose et honorande pater Cum salute prospera quaeque

(1) Quod a reverentia vestra ad solenne, quod modo peregimus, festum sanctissimi patris nostri Bernardi,[ERROR: no reftable :] festum ... Bernardi] 20. August. de primitiis frugum telluris vestrae mihi aut fratrum conventui nihil transmissum est, libens ignosco et excusationi, quae praetensa est, ultro acquiesco. (2) Facile nam est credere, tempesta

-- F51r --

tem plus solito frigidam et humidam uvarum maturationem hoc anno nonnihil retardasse, deficiente scilicet foco coelesti, qui eas coqueret. (3) Sat mihi fuerit, si, ut promittitur, alio proximo tempore cum faenore suppleatur, quod impraesentiarum praestari non potuit.

(4) Ceterum mala Persica, quae reverentia vestra scribit a se mihi destinata, uti et panis dulciarius, quem loco et nomine salutis adiecisse fertur dominus parochus, [ERROR: no reftable :] dominus parochus] Von 1635 bis 1658 war Johannes Burkhard Pfarrer in Mais. ad manus meas non devenerunt. (5) Ita nimirum frequenter accidit, ut quae peculiariter tenuitati meae aut dilecto conventui a vobis deputantur, inepti tabellarii cum primum monasterio pedem inferunt, recta ferant ad abbatiam, in qua etiam missa manent, si desint litterae, quae aliud significent. (6) Huic autem incommodo deinceps obviabitur, si nuntio, quem emittitis, serio inculcatum fuerit, diligentius attendat, quo quaeque sint loco deponenda. (7) Habeo tamen nihilosecius grates pro transmissis, etsi non receptis, fraterno affectu et amore contentus, quo eodem maneo reverentiae vestrae semper addictus, etc.