Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
112. Stephani an Abt Bernhard Gemelich in Innsbruck
[Stams], 24. Mai 1647
Einigen Leuten in Stams geht es im Moment schlecht: Pater Malachias [Saur] ist vor
zehn Tagen gestorben, gestern verstarb Bruder Joseph aus Salem nach eintägigem
Todeskampf. Im Augenblick ringt Pater Matthäus [Wilhalm] mit dem Tod, da ihn schwere
epileptische Anfälle heimsuchen. Der Abt soll den Arzt bitten, gleich nach Stams zu
kommen, Stephani hatte keine Zeit, einen eigenen Brief aufzusetzen. Für Pater
Matthäus ist Eile geboten.
(1) Visitat nunc temporis monasterium nostrum Altissimus plaga pessima percutiens aliquot e nostris virga aegritudinis epileptica, cui succubuit ante decendium pater noster Malachias,[ERROR: no reftable :] pater Malachias] Gemeint ist Pater Malachias Saur. heri vero frater Iosephus Salemitanus, quem cum morte plus quam 24 horarum spatio gravissime luctantem aspeximus ac tandem superatum hodie post iusta funebria tumulo intulimus. (2) Sudat nunc in eadem arena tertius, pater Matthaeus,[ERROR: no reftable :] pater Matthaeus] Gemeint ist Pater Matthäus Wilhalm. quem ipsa illa die, qua Oeniponto redux in Stambs appuleram, mensae adhuc accumbentem inter cenae obsonium miserabilis et horrifica epilepsis invasit; qua tamen brevi compressa et fere, ut credebam, sopita nec illius vestigio ullo per septem hactenus dies deprehenso rem salvam putavimus aegro de convalescentia iam gratulati. (3) Verumtamen Deo aliter disponente novus heri rursum paroxismus inopinato eum corripuit, quo per noctem pluries et impetuosius redeunte bonus pater haud leviter quassatus supremam prope inter aleam periclitari videtur, plus morti vicinus, quam vitae securus. (4) Quodsi tamen huic ab afflictione tam gravi erigendo et aliis a simili malo praeservandis medici obviare possit consilium, necessitatem, qua premimur, ex praesentibus eidem a reverendissima pietate vestra communicari humiliter rogo, cui litteras peculiares dirigere ob temporis angustiam non valui. (5) Sin plus profutura existimetur personalis eius praesentia, sperabimus et illam reverendissimae pietatis vestrae interventu conduci posse idque eo tempestivius, quo apud patrem Matthaeum periculum in mora manifestius. (6) Faxint superi, ne lues haec latius serpat ac reverendissima pietas vestra in reditu suo (quem in horas optamus) laetiora apud nos inveniat, cui nos interim cum filiali salute obnixius commendamus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |