Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
108. Stephani an Abt Bernhard Gemelich in Innsbruck
[Stams], 22. April 1647
Vor einigen Tagen traf ein Brief des Abtes von St. Urban ein, den Stephani nicht mit
einem eigenen Boten schicken wollte, nun aber wegen der fortgeschrittenen Zeit doch
sendet. Am nächsten Sonntag steht ein allgemeiner Aderlass an; der Abt spendiert
allen, die zur Ader gelassen werden, einen Schluck Wein aus seiner
Spezialsammlung.
Ad abbatem inter Oenipontanos agentem, 22. Aprilis 1647. (1) Perlatae sunt ad me ante plusculos dies litterae abbatis Sanct-Urbanensis, quas illico ad reverendissimam pietatem vestram per proprium dirigere nolui, tum quod scirem ad eas reverendissimam pietatem vestram responsum festinato reddere ob negotiorum multitudinem haud valituram, tum etiam quia illas in paschalibus saltem reverendissimae pietati vestrae coram ad manus consignare certo speraveram. (2) Frustrata vero hac spe et adventu, quem operiebamur, dilato transmitto eas per latorem praesentium, ne aequo diutius penes me desideant. (3) Celebraturi porro proxima domenica in albis venarum sectionem, id gratiae et amoris a reverendissima pietate vestra exorare gestimus, quatenus in locum vini turbidi, quod cella vinaria conventus subministrat, haustum meliorem de promptuario suo pro phlebotomis paterna provisione velit ac dignetur, ut minus pro haustu extraordinario, quem vocamus gratiarum. (4) Bibemus, quod indultum fuerit, modeste hilares et faustas apprecationes, quas ut exaudire velit supremum Numen, impense optamus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |