(1) Quas illustrissima dominatio sua revelationes, seu recens descriptas, [ERROR: no reftable :] recens descriptas] Anspielung auf den Aufenthalt des Fürstabtes in Stams vor wenigen Tagen (vgl. ep. 102, 103, 105). seu in originali saltem suo, ad octavum Aprilis Fiessenam sibi remitti petiit, misissem, pro eo ac par erat, ad terminum praestitutum sine cunctatione, si modo tabellarius quispiam ad manum fuisset; hoc vero usque ad praesens deficiente cunctandum mihi fuerat vel invito. (2) Ceterum amanuensis noster, cui illas ad describendum tradideram, cum medium circiter aequor superasset, audiens eas ab illustrissima vestra dominatione vixdum e Stambs digressa iam repeti, manum de tabula deposuit atque a coepto opere destitit, quippe cui impossibile esset, telam, quam fuerat exorsus, amplius pertexere. (3) Solum itaque reverendissimae et illustrissimae dominationi suae autographum transmitto, veniam simul tarditati meae precando ac me ad servitia porro praestanda promptissimum offero. (4) Quibus finiens illustrissimae dominationis suae manum ac togae fimbriam exosculor meque et conventum nostrum favori eiusdem ac principi benevolentiae submisse commendo.