Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Durum quadrigesimae tempus si excellentia vestra hactenus incolumis decurrit,
est, quod gratuler; sin praeter laborem abstinentiae crucem etiam portavit in
corpore, arthritidis perferendo assultus, merito condoleo. (2) Ego cum meis
confratribus (laus Deo) de superato ieiunio iam prope triumphum cano, crebres quidem
hucusque aut paene quotidianas stomachi debilitates perpessus; semper tamen adhuc
pro posse eluctando, a custodia grabati sum praeservatus. (3) Ceterum quia in hieme
et hunc per dierum esurialium decursum parum boni sanguinis cummulasse me auguror,
phlebotomiae remedium mature arripiam, ipsa scilicet octava paschatis die cum
asseclis chori mei venam aperturus; alterum vero turbae dimidium sectionem venae
instituet Maii quinto vel duodecimo, quem videlicet horum dierum excellentiae
vestrae iudicium praetulerit mihique insinuaverit.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|