Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(6) Reverendissimus dominus, illustrissimus princeps Campidonensis, qui Roma redux
nudiustertius in Stambs appulit,[ERROR: no reftable :] reverendissimus ... appulit] Vgl.
Primisser cap. 42 § 19 similiter Campidonensis
princeps Roma redux, cum Sueviam milite hostili oppletam inaudiret, ad
duos tresve menses domicilium sibi Stamsii sinit. Sed non nisi tres
hebdomadas hic transegit. ad spatium duorum triumve
mensium domicilium apud nos desiderat, pretium convictus seu impensam in menses
singulos vel iam statim in antecessu grato animo refusurus, quousque Campidonam a
militum -- F43v -- faece perpurgatam revisere sibi liceat et ad sua reverti. (7) Cuius
postulatis si reverendissima pietas vestra gratificandum duxerit, non videtur
monasterium admodum oneraturus, quia nec pompam comitatus secum habet, unico famulo
contentus, nec delitiose vivit, sed regulariter ac solus reficit cibos communes non
respuens ac in potu heminam vini seu mensuram nostratem dimidiam vix transcendens
totus vitae reformatae ac perpetuae abstinentiae devotus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|