Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
100. An Abt Thomas I. Wunn von Salem
Stams, 20. Februar 1647
Im Namen von Abt Bernhard Gemelich: Ein halbes Jahr ist vergangen, seit Pater
Benedikt Staub nach Tirol kam. Das Klima jedoch machte ihm zu schaffen, und die
Ärzte rieten ihm, wieder in seine Heimat zurückzukehren. Also reiste er zurück und
nahm Pater Joseph als Reisebegleiter mit. Abt Gemelich wünscht sich dessen baldige
Wiederkehr.
Ad reverendissimum dominum abbatem Thomam Salemitanum[ERROR: no reftable :] Salemitanum] Das ehemalige
Zisterzienserkloster Salem am Bodensee wurde 1134 gegründet. Von 1615
bis zum 10. Mai 1647 war Thomas I. Wunn aus Grasbeuren Abt von Salem.
Unter ihm entfaltete sich zunächst eine rege Bautätigkeit, die dann
durch den 30jährigen Krieg arg in Mitleidenschaft gezogen wurde (vgl.
Ginter 1937, 32-35).
nomine abbatis nostri 20 Februarii 1647
-- F42v -- Reverendissime in Christo pater, amplissime domine, praeses observandissime
(1) Annus fluxit cum dimidio, ex quo venerabilis pater Benedictus Staub
[ERROR: no reftable :] pater Staub]
Vgl. Primisser cap. 42 § 19 Februario mense et
Philippus Steingadensis canonicus, qua abbatis sui iussu, et Benedictus
Staubius, congregationis secretarius, urgente infirmitate domos suas
repetebant. Tyrolim ingressus servitia mihi sua penes
negotia congregationis gnaviter aeque ac fideliter elocavit; cuius opera in alios
adhuc annos, quos superi dedissent, uti cogitaveram, nisi is inconstantia
valetudinis suae territus repatriare desiderasset. (2) Laboravit hactenus
saepiuscule cum aliis morbidis symptomatibus, tum maxime cholica, cuius torminibus
ineunte hoc mense denuo ita exagitatus est, ut inter vitae spem ac metum quasi
fluctuans generali animum exomologesi emaculare ac propediem domui suae disponere
coepit. (3) Requisitus in consilium medicus iterato suasit et monuit, si vitam ille
aut sospitatem sibi protelatam vellet, aerem nostrum Tyrolensem (ut minus nativae
suae complexioni congruum) cum Acroniano rursum permutaret. Hoc itaque consilium
aeger velut anchoram arripiens ac preces desuper apud me interponens missionem
instanter flagitavit; cuius ego desideriis et voto tam iusto (quid nam vita sana
homini pretiosius?) contraire non valens, manumisi quantumvis invitus patrem
optimum, tabellionem fidissimum, cui ut valetudinem, quam exambit, inveniat
inventamque diutissime conservet, animitus apprecor, secretis congregationis idoneum
interim ex meis provisurus. (4) Itineris suis socium et stipatorem adoptavit sibi
fratrem Iosephum, qui ut hactenus inter meos sine querela conversatus et in
commissis servitiis fidelis semper inventus est, ita eum non tantum reducem
exspectant, verum etiam ut revertatur, desiderant libenter eius contubernio
tantisper usuri, dum illi sublatis hostilitatibus et pace terris reddita gremium
matris suae liceat revisere. (5) Atque haec erant, quae in praesens reverendissimae
pietati vestrae paucis insinuanda habui negotiis provincialibus hoc turbulento
tempore non tam oneratus quam oppressus. (6) Interea Deus ter optimus
reverendissimam pietatem vestram suis, mihi et universae congregationi in annos quam
plurimos sospitet. Dabam ex monasterio meo etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|