Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Agnes uirgo post martyrium parentibus ad sepulturam suam excubantibus ac
lugentibus gloriosa apparuit cum splendido elegantique uirginum comitatu,
aureis armillis candiduloque amictu multum fulgens et agnum niue albiorem
dextera baiulans. Tum represso parumper gradu parentes ipsos dulciter
admonuit, ne se uelut mortuam flerent, sed potius cum Christo beate uiuenti
congratularentur. »A sanctarum — inquit — uirginum, quas uidetis, recepta
collegio ei in cęlo iuncta sum, quem in terra posita toto corde dilexi.«
Merito igitur non solum martyrii eius diem festum agit Ecclesia, sed etiam
eum, quo se talem ostendit, celebrem habet. In martyrio, quę passa sit,
recoluntur, hic autem ad quantam beatitudinem post passionem peruenerit,
commemoratur.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|