Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Augustinum quoque quo die corpus eius mandatum sepulturę fuit, monachus
quidam procul inde manens et in spiritu raptus uidit infula et
pontificalibus indumentis insignem sedere intra nubem candoris eximii. De
oculis eius promicantes radii totam illuminabant ecclesiam et ubique
incredibilis odoris fragrantia nares oblectabat. Post hęc a Bernardo abbate
uisus est, dum per noctem sermones eius a fratribus in ecclesia legerentur,
limpidissimas ore aquas uomens, quibus totum ecclesię pauimentum supramodum
inundabat. Vere enim ille quasi quidam inundans fluuius Ecclesiam Dei
salutaribus documentis irrigauit et lumine ingenii Scripturarum obscura
clariora fecit. Sanctitatis etiam uirtutumque suarum odorem tam late
effudit, ut nomen eius et in terra celebre sit et in cęlo. Palam igitur
factum est, quibus potissime meritis ad ęternitatem uitę peruenerit
inęstimabilemque mercedem.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|