Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Hinc quidem Tiburtius et Valerianus, cum ab Almachio, urbano prętore, in
uincula coniecti rogarentur, cur principum sententiis damnatos honore
sepulturę afficere pręsumerent: »Quia — inquiunt — quos principes ipsi pro
Christo damnandos iudicant, eorum nos fieri serui cupimus.« Itaque et ii,
sicuti uolebant, obtruncationem passi, martyrii coronam perceperunt,
tyrannorum sęuitiam in suum conuertentes triumphum.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|