Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Hinc Stephanus quoque, Spiritu Sancto et fortitudine plenus, faciens signa
et prodigia lapidibus obruitur. Sed quid mali illi lapidum ictus inferre
poterant, cui cęli iam aperti erant? Vitam impii eripiebant, sed Iesus a
dexteris uirtutis Dei manens animam suscepturus expectabat. Ille itaque tam
de sua salute securus pro suis occisoribus orabat: Domine — inquit —
ne statuas illis hoc peccatum! Auxitque martyrii gloriam pietatis
erga inimicos merito et in Domino obdormiuit, quia uigilauerat pro Domino,
nomen eius confitens et mortem contemnens.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|
