Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Stephanus uero, Mareotidis regionis anachoreta, cum uerendas corporis partes
exhulceratas taboque diffluentes haberet, curationem quidem non recusauit,
sed dum curatur, maioris patientię prębuit exemplum, desectiones a chyrurgo
passus nullo emisso eiulatu, nullo edito gemitu, ac si omnino doloris uim
non sentiret. Ad hęc eiusmodi ęgritudine affectus, non intermisit manuum
laborem, de palmarum foliis funiculos contorquens, non spiritalis
exhortationis curam, semper eorum, qui in eo ad se conuenissent, saluti
consulens. Ita magnam langoris molestiam maiore uirtutum meditatione
uincebat, animo etiam fortior quam corpore debilior.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|