Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Vnde Cassianus de sene quodam Christiano hac patientię uirtute prędito
testatur: Cum apud Alexandriam infidelium turba constipatus maledictis
impulsibusque agitaretur et ab eo quęrerent, quid unquam miraculi fecisset
Deus eius Christus, ipsum respondisse: ut iis, quas infertis, atque
maioribus non mouear neque offendar iniuriis. Recte id quidem. Neque enim
uentorum flatu concuti aut fluminum illisu euerti potest domus, quę supra
petram fundata est. Petra autem est Christus. Denique, qui confidit in
Domino, sicut mons Syon, non commouetur in ęternum, in
persecutionibus gloriatur, in aduersis gaudet, in omnibus Deo gratias agit
et illi soli penitus inherens, offensas non sentit improborum.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|