Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Hinc ergo Cartusiensis coenobii prępositus Bernardo abbati, cum ille ad ipsum
uisendum equo uectus aduenisset, ephippio nimis eleganti usum exprobrauit.
Attamen, qui Deum magis quam equi phaleras animo uoluebat, quale ephippium
illud esset, cui insidens a Clareualle iter egerat, penitus ignorabat et ab
iis, qui secum uenerant, quale esset, quęrere coepit. Tunc haud dubie
apparuit magis illi curę fuisse, qualem animum eo afferret quam qualem
supellectilem. Itaque non semper ex utensilium aliquo decore mens hominis
erit metienda, sed ex operibus potius uitęque conuersatione. Neque enim,
qualis quęque arbor sit, folia ostendunt, sed fructus.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|