Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Quam etiam iniquum sit aliorum uitia cernere, suorum obliuisci, docet ipse
Saluator, dum huiusmodi hominem reprehendens ait: Quid tu uides festucam
in oculo fratris tui, et trabem in oculo tuo non uides? Aut quomodo
dicis fratri tuo: Frater, sine eiiciam festucam de oculo tuo! Et ecce
trabs est in oculo tuo. Hypocrita, eiice primum trabem de oculo tuo, et
tunc uidebis eiicere festucam de oculo fratris tui! Tunc ergo alios
decentius corrigere poterimus, cum prius nosmetipsos correxerimus;
corripere, inquam, non condemnare, ut charitas conseruetur et semper
declinetur impietas.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|
