Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Gunzonis, Arbonę ducis, filia Galli abbatis precationibus a demonio liberata
uirginitatem uouit. Coeperat enim Spiritus Sanctus ibi habitare, unde
immundus fugerat. Cumque a Sigiberto, Gallię rege, in matrimonium peteretur,
a patre tradita, sponsam se cęlestis regis esse dixit. Quę uox ita exterruit
Sigibertum, ut puellam contingere non ausus monasterio uirgintum delegaret,
ei ipsam cedens, cuius se sponsam asserebat. Illa itaque in cęlesti
beatitudine Christo iungi meruit, quia, dum in terris uiueret, pluris fecit
castitatem quam Gallię regnum.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|
