Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Maria Decegnies, puellula duodecim annos nata parentum (non sua) uoluntate
cuidam Ioanni nuptui tradita, uitę districtione ac sanctitate commouit
uirum, ut intactam dimitteret. In uirginitate ergo perseuerans, multa
uirtute multisque miraculis celebris euasit. E uita decedenti Christus,
angeli, apostoli in uisu apparuerunt. Quorum consolationibus iocundata
mortis angustias non sensit. Solutam deinde a corpore animulam a Beata
Virgine cum angelorum comitatu in cęlum ferri conspexit episcopus Tolosanus.
Haud immerito tantam consecuta est beatitudinem, quę ne uiro quidem iuncta
uirilem copulam admisit et matrimonii iugo, cui iam subdita fuerat, excusso
incorrupta et corpore et mente permansit.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|