Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Fuisse etiam Alexandrię quendam Marcum Solonem nomine, qui se stultum fingens
nudus incedebat, operibus intentus charitatis. Cum enim humanum labore
uictum quęreret, quidquid in diem sibi superesset, indigentibus erogabat.
Cumque iam sedecim annos in hac simulatione perdurasset, postremo adiuratus
manifestauit se aliquando monachum fuisse, sed libidini deditum annos
quindecim in concubinatu perseuerasse tandemque ad poenitentiam conuersum
decreuisse tantundem temporis seruire Christo, quantum diabolo seruierat.
Atque mox uita functus est et in sanctorum numero habitus. Tali ergo
simulatę insanię humiliatione, mundi sapientibus pręferri ac supra cęlum
inter angelos meruit collocari.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|