Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Quid mulier illa, quę extento super os putei uelamine finxit se ptisanas
siccare et nuncios David ibi latentes Absalonis seruis insequentibus non
indicauit, sed gustata aqua illos festinanter abiisse respondit? Debuitne,
quod res erat, non dissimulare et innocentes prodere interfecturis? Nonne
magis Deum offendisset, dum uerum dicit, pios neci exponendo, quam dum
falsum, a periculo liberando? Mea quidem sententia minus displicet, si modo
displicet, pietate mixta simulatio quam ueritas cruidelitate. Vtrunque tamen
autoris fine intentioneque metiendum est.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|
