Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Aegyptię obstetrices iussę pręfocare mulierum Hebrearum mares pueros
obtemperaturas se Pharaoni monstrabant nec tamen obtemperauerunt. Et quoniam
non morerentur puerperia, accusatę respondent ipsas Hebreas obstetricandi
artem callentes, antequam se ad illas applicuissent, parere solere.
Maluerunt mendaciunculo isto uti quam crudeli regi pręstare obsequium.
Quamobrem dicit Scriptura: Quia timuerunt obstetrices Deum, ędificauit
eis domos. Per quas alii temporalia, alii ęterna bona illis repensa
intelligunt. Quicquid tamen horum sit, mercedem meruit pietas etiam mendacio
uelata.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|