Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Simon Petrus in illius amorem semper propensissimus, cum totius noctis
piscationem casso labore peregisset, ipso tandem in nauiculam suscepto ac
iubente laxauit rete et tantam uim piscium traxit, ut attonitus indignum se
talis Domini pręsentia iudicaret et genibus simul prouolutus diceret: Exi
a me, Domine, quia homo peccator sum. Profecto, qui sic
humiliabatur, iam diligere coeperat. Hinc et subleuari meruit, ne timeret,
quod deinde non pisces, sed homines esset capturus. Quibus uerbis ita
allectus est, ut, quem modo exire a se uolebat, mox exeuntem sequi
maturaret, et quidem relictis omnibus, ut palam esset nihil se pręter
Christum appetere, nihil habere uelle.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|