Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Rursum tamen humani generis perpetui hostes, quoniam fraudulenta inductione
nihil profecerant, terrificationibus aggredi illum decernunt. Dumque ipse
nocte quadam precationi operam daret, super tectum domus immaniter strepere
atque horribiliter mugire coeperunt. At ille intrepidus exurgens: En assum,
inquit, nequissimi spiritus, venite, exercete in me, quicquid vobis
permissum est. Quod si corpus hoc uerberibus affeceritis, quid aliud quam
uindicabitis me de aduersario meo? His dictis confusi discesserunt. Ille ad
preces Deo persoluendas rediit, nullis tentationibus cedens, sed fiduciam
habens in Domino semper.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|
