Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Benedictus Octauus, pontifex maximus, postquam uita defunctus est, apparuit
Ioanni, Portuensi episcopo, seque, ne ęternis poenis addiceretur, Odilonis,
Cluniacensis abbatis, intercessionibus consecutum dixit et tantummodo
temporarię afflictioni, donec uitę maculas diluat, deputatum. Id ubi
resciuit abbas, pro illo solicitus orauit simulque monachis, ut pariter
orarent, iniunxit. Et ecce non multo post idem Benedictus ingenti fulgore
renitens uisus est primum Eldeberto monacho, deinde ipsi Odiloni, cui et
gratias egit asserens se suis fratrumque eius precationibus a poenis
purgatorii ad beatitudinis quietem translatum.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|