Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Helias monachus in finibus ciuitatis Antinoi* corr. ex Athineos
(quę quondam Thebaidis metropolis fuit) annos septuaginta in
uastissima solitudine perdurauit. Erat desertum horroris plenum, semita, quę
ad ipsum ducebat, angusta scrupeaque et inuentu etiam difficilis. Antrum
quoque, quod inhabitabat, tetrum atque horrens ac statim propius
accedentibus nescio quid terroris incutiens. Hunc se ibi uidisse diuus
Hieronymus testatur, iam centum et decem annorum senem. Ferebatur autem
interdum etiam futura prędicere, euentu haud incerto, ut super eo quoque
Helię prophetę spiritum requieuisse dicerent, cuius et nomen sortitus fuerat
et secutus propositum, Deo in solitudine seruiendo.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|
