Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Sed quod ad priuatos attinet, mirabilis imprimis humiliatio Petri Telonarii
fuit, qui distractis pro amore Christi facultatibus a Byzantio Hierosolymam
petiit seruumque se uenalitium fecit. Et cum in aliena domo a conseruis
maledictis uerberibusque afficeretur, gaudebat in contumeliis, nunquam de
iniuria sibi illata conquestus, intantum ut de medio calumniatorum suorum
nusquam discesserit, nisi cum Byzantii hospitis indicio cognitum honorare
coepissent. Denique tunc profugit, cum coleretur ut liber, non cum
sperneretur ut seruus, humilitati studens, a gloriationibus abhorrens,
displicere cupiens hominibus, ut Christi seruum exiberet.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|