Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Olim huiusce rei exempla pręmiserat Dominus noster Iesus iubens Discipulos,
ut turbis in deserto epulum darent. Quinque panes et duos pisces, cum nihil
aliud pręterea haberent, discumbentibus apposuerunt. Atque ubi omnes pransi
ac saturati essent, pro quinque panibus duodecim cophinos reliquiarum plenos
retulere. Alias idem de appositis septem panibus et paucis pisciculis, cum
multudinem esurientem satiassent, septem sportas fragmentis, quę
superauerant, impleuere, ut experimento discerent nequaquam fallere eum, qui
dixerat: Date, et dabitur uobis: mensuram bonam, et confertam, et
coagitatam, et supereffluentem dabunt in sinum uestrum.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|