Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
Si vis in lexico quaerere, verbum elige et clavem 'd' in claviatura preme.
Postea uero Turonensium episcopus factus, cum in uestibulo ecclesię
offendisset hominem detrita lacerna seminudum, in sacrarium euocato tunicam,
quam sub palio solam habebat, dedit. Allato sibi demum collobio, indutus ac
superindutus podere reliquisque sacerdotalibus ornamentis, dum sacra peragit
atque inter agendum ambas suppliciter manus ad cęlum tollit, delabentibus
lineis manicis brachia nudata ostendit. Sed priusquam ea demitterret, amicta
apparuere tegumento ornatus supra modum mirabilis oppidoque stupendi; ut
scilicet miraculo admoniti crederemus cum, qui indigentes uestierit,
uestiendum cęlestis glorię lumine, cum Dominus Iesus Christus transformabit
corpus humilitatis nostrę, configuratum corpori claritatis suę.
Marulic, Marko (1450-1524) [1496, Split]: De institutione bene vivendi per exempla sanctorum, versio electronica, Verborum 186963, ed. Branimir Glavicic [genus: prosa oratio - tractatus] [numerus verborum] [marul-mar-inst.xml].
|