Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Gundulic, Fran LucijanCrijevic, Ilija (1451/2-1505; 1463-1520) [1490, Dubrovnik]: Baptistinus, versio electronica, 13 versus, verborum 3401, ed. Dora Ivanisevic Petra Sostaric [genus: prosa oratio - novella; poesis - epigramma] [numerus verborum] [gondol-f-bapt.xml]. Si vis in lexico quaerere, verbum elige et clavem 'd' in claviatura preme.
Francisci Luciani Gondolae praefatio in ridiclae fraudis historiam tituli
Baptistinus Nebulonis cuiusdam: qui sub fregosi illustrissimi Baptistini nomine
non nullis ellusis imposuit.
Francischus Lucianus Gondola Claro uiro Marino Iu. Gradeo.
S.
page
CVM Ex recenti iam dolore me curae acrius urgerent: Quo me conferem potius: ubi delinimenta merori salubria meo quaererem: quam ad haec litterarum studia diligentius a me olim culta: nunc intermissa. Plurimum namque ad cogitationem a tristibus diuertendam rationi uiris obtemperantibus uoluptas non quae a corporis sensibus: sed quae sub animi prouenit bonis conferre doctioribus uidetur. ueluti ex caste philosophorum doctrinae assidua lectione: aut lepidi nonnumquam facti page alicuius refocilationis gratia litteris mandandi explicatione. Quare oportune diebus elapsis haud inepte se mihi fraudis obtulit facinus Nebulonis istius. Qui nouo quibusdam commenti genere elusis: pecuniarum supellectilisue non nihil abstulit. cuius describendi dum auocare a malis mentem cupio prouintiam suscepi: ac ea de re tandem opusculum hoc rei gestae accomodato pro uiribus genere dicendi absolutum: ad quem potius destinandum erat? quam ad te litteratum et grauem uirum: itidemque festiui rate sermonis ob iugem pene aegrotationem saepius egentem. cui si forte placuerit tum delectationem poterit affere: cum agnoueris te nugatorum cum dispendio urbis fautoribus nunquam consensisse: tum accerrimum ex crebra tua podagra cruciatum murmure haud ingrato lenire. Non enim litterarum studia (ut expertus ipse es) corporis segnius quam animi dolorem mitigant: cum rationi et menti ab utroque pariter oppugnatae subsidium praebeant. pageHaec igitur qualiacumque erunt si quando ocium tibi dabitur aequo animo perlege: nec narrationem hanc rudem forte ac ieiunam: sed magis rem ipsam perpendito examinatoque. Nam fabulae nulli comicae quae ad insidias cauendas hominum uitam instruit iam censebis inferiorem: et quibus aegrum ipse animum rebus leuo: tu quandoque languentem excita. Vale.
Gundulic, Fran LucijanCrijevic, Ilija (1451/2-1505; 1463-1520) [1490, Dubrovnik]: Baptistinus, versio electronica, 13 versus, verborum 3401, ed. Dora Ivanisevic Petra Sostaric [genus: prosa oratio - novella; poesis - epigramma] [numerus verborum] [gondol-f-bapt.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.