C. XIIII. DE LOCIS SIBENICI INTRA MUROS

Nonnulla sunt intra urbis moenia memoratu digna. Castellum [ERROR: no reftable :]Castellum imprimis in colle tamquam in specula fabricatum. Arx [ERROR: no reftable :]Sibenici quidem turrito et fortissimo muro circumsepta et oppugnationem minime reformidans. Intra quod vetustum extat sacellum, nuper intimo tantum ornamento novatum, ubi Christi matris figura celeberrimis clarescit miraculis.

Est quoque inferius ad forum et ad aream Veneti vexilli alligero leone signati et ad episcopium et praetorium basylica, [ERROR: no reftable :]Basylica quae miro artificio, ut arbitror, nostro saeculo surgit Iacobo maiori, Christi apostolo, dicata.

Sunt et primariorum ordinum in religione constructa coenobia. Sunt et aedes nobilium civium pro Dalmatica conditione satis amplae et honestae.

Fuerunt et nostra memoria concives, qui eruditione claruerunt [ERROR: no reftable :]Eruditi theologiae, philosophiae, poeticae, oratoriae, iuris pontificii et iuris Caesarei, quorum ingenia saepius ipsa etiam fuit admirata Italia, quae mater studiorum dicitur et magistra morum.