(14) Porrò erat intelligere, quâ ratione Lahondi, & Trenovantini suis in [16] portubus ingentem navium numerum construant, ad Ascanium in Tagopolim deducendum, cui extremo virium conatu, pulso Turniade mali granati coronam, seu Dyadema evincere, ac deferre moliantur, Ascanio indignè ferente, jus omne sibi præreptum fictis Testamenti tabulis altero verò ut tempore priorem, ità & jure potiorem se esse contendente, adeò ut geminam partem unicus, qui litem serit numerus inter se collidat, an quintus præferendus tertio, vel tertius quinto?