Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Crijevic, Ilija (1463-1520) [1484, Dubrovnik]: Carmina e cod. Vat. lat. 1678, versio electronica, 7675 versus, verborum 46525, ed. Darko Novakovic [genus: poesis - elegia; poesis - epigramma; poesis - lyrica; poesis - epica] [numerus verborum] [crijev-i-carm-1678.xml]. Si vis in lexico quaerere, verbum elige et clavem 'd' in claviatura preme.
28a.
O munuscula nectaris beati! O dignum Ioue poculum! Quid ergo Certatim Mario meo redonem? Paucos endechasyllabos, ut inter Regales cyathos melos beatum Mente interbibat auribusque captis.
28b.
Cum nos corporeo, Mari, baratro Tardant noxia membra plus amare Quam cognosse uel eloqui ualemus, Et plus expedit et minus fatigat Immensum colere omnium parentem Quam primordia quaeritare rerum, Quorum quaestio captiosa frustra Per tot cornua flexuosa tendit Soritasque uolubiles aceruat. Nam quid proderit, heu, labore casso, Vestigare Deum uel inuenire Quaesitum tot inanibus figuris, Si non quaerit amor, tenet fouetque, Qui nunquam nisi amando possidetur? Nam diuellitur arctubus caducis Et sese abdicat alteri dicatus Seque effert moriens amans, amato Vt conspiret in alteroque uiuat, Iam non ulterius suus, sed ultro Hic quem diligit illius uicissim. Sic spiramine mutuo sodales Fiunt unanimes, pares amici Ambo spiritus unus, una uita, Quos per mutua uinculo perenni Mens confoederat et maritat una Et promiscua temperat uoluntas. Ergo deditus alteri, fit alter,
Crijevic, Ilija (1463-1520) [1484, Dubrovnik]: Carmina e cod. Vat. lat. 1678, versio electronica, 7675 versus, verborum 46525, ed. Darko Novakovic [genus: poesis - elegia; poesis - epigramma; poesis - lyrica; poesis - epica] [numerus verborum] [crijev-i-carm-1678.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.