LVCAS
Pax. Ad dirigendos pedes nostros in uiam pacis I. Christus nasci uoluit, cum totus terrarum orbis pacem ageret, ut pacem et concordiam sibi gratissimam esse denotaret. Gloria in altissimis Deo et in terra pax hominibus bonę uoluntatis II. In quamcunque domum intraueritis, primum dicite: Pax huic domui X. Pax quandoque damnosa XII. Adueniente Iesu turbę clamant: Benedictus qui uenit rex in nomine Domini. Pax in cęlo et gloria in excelsis XIX. Herodes et Pilatus concordes ad malum XXIII. Pax uobis, ego sum, nolite timere. Pax Dei. Deus pacis. Ipse est pax nostra XXIIII.
Prouerbium. Medice, cura te ipsum IIII.
Pudicicia. Angelus ad Virginem mittitur, quia semper est angelis cognata uirginitas. Profecto, in carne pręter carnem uiuere non terrena uita est, sed cęlestis I. Turturem et columbam offerunt Domino, qui pudiciciam seruant ut turtur, simplicitatem ut columba II. Sint lumbi uestri pręcincti XII. Duę erunt molentes in unum:1 una assumetur, et altera relinquetur XVII.
Pietas. Maria abiit in montana et uisitauit Helizabet. Misericordia eius a progenie in progenies timentibus eum. Benedictus Domi nus Israel, quia uisitauit et fecit redemptionem plebis suę. In remissione peccatorum per uiscera misericordię in quibus uisitauit nos oriens ex alto, illuminare his etc. I. Non ueni uocare iustos, sed peccatores ad penitentiam V. Estote misericordes, sicut et Pater uester misericors est VI. Misericordia motus flenti uiduę suscitat filium VII. Samaritanus, id est Christus sauciati iacentis in uia alligauit uulnera infundens oleum et uinum etc. X. Hinc patet nullum excipi, cui denegatur misericordię officium X.

-- KK3-69 --

Iubente Domino succidi ficum cultor ait: Domine, dimitte illam et hoc anno, usque dum fodiam circa illam

-- --

et mittam stercora etc. XIII. Dominus ouem, quę perierat, inuentam reportat in humeris et gaudet XV. Pater filium, qui abierat et substantiam turpiter consumauerat, reuersum suscipit, immo reuertenti, cum adhuc longe esset, occurrit et osculatus est eum XV. Venit enim Filius hominis quęrere et saluum facere quod perierat XIX.
Penitentia. Facite fructus dignos penitentię, id est quamto quis grauius offenderit, tanto magis affligat corpus III. Beati qui nunc fletis, quoniam ridebitis VI. Viduę filius effertur mortuus. Iacet anima lapsi, et dum cupit surgere, plorat. Filius ergo suscitatus redditur matri, et penitens restituitur Ecclesię. Mulier peccatrix stans retro lachrimis coepit rigare pedes Iesu, capillis tergere, osculari et unguento ungere. Et Iesus ad illam: Remittuntur tibi peccat a. Fides tua te saluam fecit. Vade in pace VII. Quare in cilicio et cinere agitur penitentia X. Ignem ueni mittere in terram, id est compunctionem cordis, et quid uolo, nisi ut [ardeat]3 accendatur XII. Nisi penitentiam egeritis, omnes similiter per ibitis sicut Galilei a Pilato cęsi et illi super quos cecidit turris in Siloa. Inclinatam mulierem uocauit Dominus ad se et imponens ei manus errexit. Errecta glorificat Deum XIII. Sequitur inferius.
Patientia. Qui te percutit in maxillam, qui aufert tibi uestimentum, qui aufert quę tua sunt. Domus ędificata supra petram VI. Ite, ecce ego mitto uos sicut agnos inter lupos X. Ne terreamini ab his qui occidunt corpus etc. Cum autem inducent uos etc. Nolite solliciti esse, qualiter aut quid respondeatis XII. Qui non baiulat crucem suam et uenit post me, non potest meus esse discipulus XIIII. Qui perdiderit animam suam, uiuificabit illam XVII. Iniicient uobis manus suas etc. propter nomen meum. Trademini autem a parentibus et fratribus etc. Eritis odio omnibus hominibus. In patientia uestra possidebitis animas uestras XXI. Vende tunicam et eme gladium, id est exuas corpus et immolatę carnis exuuiis

-- KK3-70 --

5 corr. ex aut ms-338r ematur tibi sacra corona martyrii XXII. Latro a dextris patientiam penitentium signat. Latro a sinistris patientiam hypocritę designat XXIII.
Pauper. Esurientes impleuit bonis I. Peperit Virgo filium, et pannis eum inuoluit, et reclinauit in pręsepio, quia non erat ei locus in diuersorio. Par turturum uel duo pulli columbarum oblatio pauperum erat. Cum hac oblatione Iesus pręsentatur in templum pro nobis pauper factus, ut nos diuitiarum glorię suę faceret participes II. Apostoli reficiunt retia, quia non habent, unde noua parare possent V. Beati pauperres, quia uestrum est regnum Dei VI. Pauperes euangelizantur VII. Nihil tuleritis in uia, neque uirgam, peram, panem, pecuniam, duas tunicas IX. Nolite portare sacculum, neque peram, neque calciamenta X. Nolite solliciti esse etc. Quęrite primum regnum Dei et iustitiam eius, et hęc omnia adiicientur uobis XII. Lazarus mendicus XVI. Quando misi uos sine saculo et pera et calciamentis, nunquid aliquid defuit uobis? At illi dixerunt: Nihil XXII.
Peruersus. Qui audit pręcepta Dei et non facit, ędificat supra terram VI. Qui non susceperint uos, exeuntes in plateas eorum dicite: Etiam puluerem qui adhęsit nobis de ciuitate uestra, extergimus in uos. Sodomis in die illa remissius erit quam illi ciuitati. Qui uos spernit, me spernit. Qui autem me spernit, spernit eum qui misit me X. Cum hęc ad illos diceret, coeperunt

-- --

pharisei et legisperiti grauiter insistere et os eius opprimere XI. Malchus absque aure dextera XXII. De doctore iustitię iniqui dixerunt: Hunc inuenimus subuertentem gentem nostram etc. Commouit populum docens per uniuersam Iudeam XXIII.
Poetę. Facta est fames, id est egestas uerbi Dei, in regione illa, ubi pascens porcos cupit implere uentrem de siliquis turpium fabularum, quas porci manducant. Et nemo dat ei, scilicet ad sacietatem, quia quo magis se uoluptatibus obruit, eo magis concupiscit XV.
Perfidia. Zacharias fit mutus, quod non statim credidit uerbis angeli. Illuminare his qui in tenebris et in umbra mortis sedent I. Vtitur

-- KK3-71 --

ms-338v et diabolus testimoniis Scripturarum, non ut doceat, sed ut fallat; sic et hereticus IIII. Semen cecidit secus uiam etc. Geraseni rogant Iesum, ut discederet a finibus eorum. Signant Iudeos incredulos VIII. Qui me erubuerit et meos sermones, hunc Filius hominis erubescet, cum uenerit in maiestate sua et Patris et sanctorum angelorum IX. Hereticus porrigit pro pane lapidem, pro pisce serpentem, pro ouo scorpionem. Tentantes signum de cęlo quęrunt. Qui non est mecum, contra me est; et qui non colligit mecum, dispergit XI. Villam emit et cęnam Domini refutauit, id est alienum dogma secutus est XIIII. Veh illi per quem ueniunt scandala XVII. Ciues eius oderant eum, et miserunt legationem post illum dicentes: Nolumus hunc regnare super nos. Verum tamen inimicos meos illos qui noluerunt me regnare super se adducite huc et interficite ante me XIX. Pendente Domi no in cruce tenebrę factę sunt. et sol obscuratus; his scilicet quibus crux est scandalum XXIII.
Petitio. Zacharias sacerdos ponit incensum in templo Domino, et omnis multitudo populi erat orans foris. Angelus ad eum: Ne timeas, Zacharia, quoniam exaudita est oratio tua I. Iesu baptizato et orante: ut perpendas, quod suscepto baptismate oportuna sit iugis oratio III. Vir plenus lepra uiso Iesu procidit in faciem et rogauit eum, et mundatus est . Paraliticus propter fidem illorum, a quibus illatus est ante Iesum, tum ab infirmitate, tum a peccatis liberatus est. Sic tu adhibe tibi precatores, quorum merito gratiam consequi ualeas V. Dominus exiit in montem orare, et orat pernoctans in oratione Dei. Oratio nocturna quam sit efficax VI. Ascendit in montem, ut oraret, docens nos solitarios et ascendentes orare ad nihil terrenorum declinantes IX. Duo modi orationis, alter laudis, alter petitionis. Quis uestrum habebit amicum et ibit ad illum media nocte. Si perseuerauerit pulsans, surget et dabit illi. Petite, quęrite, pulsate. Si uos, cum sitis mali, nostis bona data dare filiis uestris, quamto magis Pater uester cęlestis de cęlo dabit spiritum bonum petentibus se? XI. Parabola de iudice

-- KK3-72 --

et uidua, quoniam oportet semper orare et non deficere. Pharisei oratio superba, publicani humilis XVIII. Vigilate itaque omni tempore orantes, ut digni habeamini fugere ista omnia quę futura sunt et stare ante Filium hominis XXI. Orate, ne intretis in tentationem. Et ipse auulsus est ab eis, quantum iactus est lapidis, et positis genibus orabat. Verum tamen non mea uoluntas, sed tua fiat. Apparuit autem illi angelus de cęlo confortans eum, et factus in agonia prolixius orabat XXII.
Potentia. Deposuit potentes de sede et exaltauit humiles I.

-- --

Cornu, id est potentia, gloria et fama. Diabolus sciens facilem hominis lapsum in cupidine dominandi promittit regna mundi se daturum adoranti se. Non est potestas mala, sed is qui male utitur potestate IIII.
Peccatum. Et prędicare captiuis remissionem, id est peccatoribus IIII. Filius hominis habet potestatem in terra dimittendi peccata. Dum enim sumus in terra, peccata nostra delere possumus. Postquam uero a terra tollimur, non ualebimus confiteri. Clauditur enim ianua V. Qui peccatum cogitat, domi mortuus iacet cum filia [Arg]1 archisinagogi. Qui committit, effertur cum filio uiduę. Qui assuescit, sepelitur cum Lazaro VIII. Homo incidit in latrones, qui despoliauerunt eum et plagis impositis abierunt semiuiuo relicto X. Qui dicit uerbum in Filium hominis, remittetur illi. Ei autem qui in Spiritum, non remittetur XII. Peccator perit, ut alius corrigatur XIII. Mulier amittit drachmam, cum anima per peccatum amittit imaginem Dei. Filius discedens a patre abiit in regionem longinquam et dissipauit substantiam suam etc. XV.
Perseuerantia. Seruiamus illi in sanctitate et iustitia coram ipso omnibus diebus nostris I. Cęcus etiam increpatus clamare non destitit post Iesum, donec uisum recuperauit, et secutus est eum XVIII. Vos estis qui permansistis mecum in tentationibus meis. Et ego dispono uobis regnum etc. XXII. Et erant semper in templo laudantes et benedicentes Deum. Amen expectantes, donec induantur uirtute ex alto XXIIII.

-- KK3-73 --

ms-339r
Prouidentia. Nonne quinque passeres ueneunt dipondio, et unus ex illis non est in obliuione coram Deo. Sed et capilli capitis uestri omnes numerati sunt XII. Capillus de capite uestro non peribit XXI. Passio Domini. Ecce positus est hic in ruinam et in resurrectionem multorum in Israel, et in signum cui contra dicetur: et tuam ipsius animam pertransibit gladius etc. II. Ducitur ad supercilium montis, ut pręcipitetur IIII. In nauicula crucis obdormiuit. Fit tempestas in cordibus discipulorum. Sed excitatus fugat procellam, quia resurgens increpat eorum timorem, et ipsi uiso illo credunt et gaudent VIII. Baptismo autem habeo baptizari, et quomodo coarctor usque dum perficiatur XII. Iudeus hedum requirit, Christianus agnum. Illis Barrabas soluitur, nobis agnus immolatur XV. Camellus transiens per foramen acus, Christus per passionis angustias et tormentorum punctiones XVIII. Hic est hęres, occidamus illum. Eiectum extra uineam occiderunt XX. Et factus est sudor eius sicut guttę sanguinis decurrentis in terram. Illudebant ei cędentes, et uelauerunt eum, et percutiebant faciem dicentes: Prophetiza, quis te percussit XXII. Hunc inuenimus subuertentem gentem nostram. Commouit populum docens per uniuersam Iudeam. Quid signat crucis latitudo, altitudo et profundum XXIII. Nonne hęc oportuit pati Christum et ita intrare in gloriam suam. Quare Dominus reseruauit cicatrices uulnerum. Obtulerunt ei partem piscis assi et fauum mellis. In pisce assato exprimitur passionis Dominicę afflictio, in melle resurrectionis consolatio XXIIII.
Penitentia. Contendite intrare per angustam portam XIII. Gaudium erit in cęlo super uno peccatore penitentiam agente quam supra XCVIIII iustis qui non indigent penitentia. Accensa lucerna, id est mente illuminata, et euersa domo, id est discussa conscientia; didrachma amissa inuenitur, id est gratia reparatur, qua imago Dei conseruatur XV.

-- --

Filius luxuriosus, cum prodegisset substantiam, penitens rediit et humiliatus exaltatur a patre XV.

-- KK3-74 --

ms-339v Decem leprosi clamant: Iesu pręceptor, miserere nostri XVII. Cęcus secus uiam mendicans clemat: Iesu, fili Dauid, miserere mei. Iussus tacere intentius clamabat XVIII. Conuersus Dominus respexit Petrum, et egressus foras Petrus fleuit amare XXII.