Marulic, Marko (1450-1524) [1480]: Repertorium, versio electronica, Verborum 315700, ed. Branimir Glavicic [genus: prosa oratio - loci communes] [numerus verborum] [marul-mar-repert.xml].
Si vis in lexico quaerere, verbum elige et clavem 'd' in claviatura preme.
Qui diligit fratrem suum, in lumine manet, et scandalum in eo non est II.
Qui non diligit fratrem suum etc. --- de dilectione proximi. Non diligamus lingua, sed
opere III.
Diligamus nos inuicem, quia caritas ex Deo est; et omnis qui diligit fratrem suum, ex
Deo natus est et cognoscit Deum. Qui non diligit, non nouit Deum, quia Deus caritas est. Si
Deus dilexit nos, et nos debemus alterutrum diligere. Si diligamus inuicem, Deus. in nobis
manet, et caritas eius in nobis perfecta est. Deus caritas est, et qui manet in caritate, in
Deo manet, et Deus in eo. Siquis dixerit quoniam diligo Deum, et fratrem suum oderit, mendax
est. Et hoc mandatum habemus a Deo, ut qui diligit Deum, diligit et fratrem suum IIII.
Marulic, Marko (1450-1524) [1480]: Repertorium, versio electronica, Verborum 315700, ed. Branimir Glavicic [genus: prosa oratio - loci communes] [numerus verborum] [marul-mar-repert.xml].
|