ducere cum infidelibus; quę enim participatio iustitię cum iniquitate? etc. VI. AD EFHESIOS: Nolite communicare operibus infructuosis tenebrarum, magis autem redarguite V. AD THESSALONICENSES II: Subtrahatis uos ab omni fratre ambulante inordinate III. Quod siquis non obedierit uerbo nostro, non commisceamini cum illo, ut confundatur, et nolite quasi inimicum existimare, sed corripite ut fratrem III. AD TITVM: Hereticum hominem post unam et secundam correptionem deuita III. IOANNIS II: Siquis uenit ad uos, et hanc doctrinam non offert, nolite recipere eum in domum, nec aue ei dixeritis. Qui enim dicit illi aue, communicat operibus eius malignis I. APOCALYPSIS: Angelo Pergami:Non negasti fidem meam, sed habeo aduersum te pauca, quia habes illic tenentes doctrinam Balaam, doctrinam Nicolaitarum II. Exite de illa, populus meus, et ne participes sitis delictorum eius, et de plagis eius non accipiatis XVIII.

Vade porro