In CroALa inventa

VALERIVS MAXIMVS
Beneficium. Scipio superior Siculis militiam, quam iusserat, remisit, si arma et equos suis militibus traderent. Pro beneficio habuerunt quod grauate ferrent, si hoc tantum imperatum foret, liber VII, caput III.
Bellum. De disciplina militari, liber II, caput I. Armorum tractandorum meditatio. Velites. Spartani ante pugnam tibię concentu animantur. Idem puniceis in prelio tunicis usi ad occultandum cruorem, caput I. Scipio Affricanus turpe esse aiebat in re militari dicere non putaram. Idem aiebat aliter cum hoste non confligendum quam aut occasio euenisset aut necessitas incidisset. Quintus Metellus deuicta Cartagine, nescire se illa uictoria boni ne plus an mali reipublicę attulisset, asseuerauit. Senatus, cum aduersus Hannibalem Claudium Neronem et Liuium Salinatorem consules mitteret, magno studio egit, ut inter se odio dissidentes in gratiam prius reduceret, liber VII, caput II. Lucius Paulus Persę regi sucubuisset, nisi Sulpicius Gallus territum lunę defectu exercitum

-- --

de syderis ratione disputando metu liberasset, liber VIII, cap. II.
Bonus. Licinius Fimbria iudex addictus Marco Lutatio de sponsione, quam is cum aduersario, qui uir bonus esset, fecerat, nunquam id iudicium pronunciatione sua finire uoluit, liber VII, caput II. Socrates expedita uia eos ad gloriam pertinere dicebat, qui id agerent, ut quales uideri uellent, tales essent, eodem. Ob Quinti Fabii affinitatem Manius Attilius Collatinus, Sorani oppidi proditor, accusatus absoluitur. Sic et Marcus Emilius Scaurus repetundarum reus ob patris memoriam liberatus, liber VIII, cap. I. Scipio Nasica uir sanctissimus iudicatus, Matrem deum e Pesimunte accersitam excepit, liber VIII, caput XVI. Publius Furius Philippus Hispaniam sortitus inimicos suos legatos secum illuc ire coegit, confidens nihil se acturum, quod illi accusare possent. Sic et Lucius Crassus inimicum suum in prouincia Gallica sibi ms-43r

-- KK1-141 --

actorum suorum speculatorem admisit. Eadem sui confidentia in Catone, in Marco Scauro, in Marco Antonio oratore liber III, caput VII. Ciues boni coronabantur apud Athenienses, liber II, caput I.