Croatiae auctores Latini: inventa |
domum | quaere alia! | qui sumus? | index auctorum | schola et auxilia | scribe nobis, si corrigenda inveneris! |
Marulic, Marko (1450-1524) [1477, Split]: Carmina Latina, versio electronica, 2206 versus, verborum 14802, ed. Bratislav Lucin ; Darko Novakovic [genus: poesis - carmen; poesis - epigramma; poesis - epistula; poesis - hymnus; poesis - elegia] [numerus verborum] [marul-mar-carmina.xml]. Si vis in lexico quaerere, verbum elige et clavem 'd' in claviatura preme.
Querela in canis sui Fusci interfectorem
Hei mihi, Fusce meus, quis te tam uulnere diro Perdidit innocuum? Cui male notus eras? Dente minax nulli fueras nec uoce molestus, Sed cunctis lusu gratus et obsequio. Tu mihi blanda dabas festiuo gaudia gestu Et caudę crebra mobilitate iocum. Tu custos nostrę fueras fidissimus aulę, Hesperidumque magis, Fusce, dracone uigil. At nunc uulnifico traiectus uiscera ferro In dura recubas sanguinolentus humo. Dextera sęua nimis, quę te, miserande, peremit, Quę mihi te rapuit, dextera sęua nimis! Illa etiam Getulos uicit feritate leones, Vicit et Hyrcanas asperitate tygres. O utinam, quicunque fuit grassator et autor Cędis, Fusce, tuę, cęsus et ipse cadat, Siue canum rabido morsu laceretur, ut ille Gargaphiam uidit qui sine ueste deam! At tu, chare, super cęlestia sidera uiue, Quando tibi nostro est uita negata solo. Fertur et Erigones canis altis additus astris Dum queritur dominę tristia fata suę. Cur ego non sperem de te quoque tale futurum? Tam fidus dominę non fuit ille suę!
Marulic, Marko (1450-1524) [1477, Split]: Carmina Latina, versio electronica, 2206 versus, verborum 14802, ed. Bratislav Lucin ; Darko Novakovic [genus: poesis - carmen; poesis - epigramma; poesis - epistula; poesis - hymnus; poesis - elegia] [numerus verborum] [marul-mar-carmina.xml]. |
Zbirka Croatiae auctores Latini, rezultat Znanstvenog projekta "Digitalizacija hrvatskih latinista", dostupna je pod licencom Creative Commons Imenovanje-Nekomercijalno-Dijeli pod istim uvjetima 3.0 Hrvatska.
Za uporabe koje prelaze okvire ove licence obratite se voditelju projekta.