Nikola Modruski (c. 1427-1480) [1474, Rim]: Oratio in funere Petri Riarii, versio electronica, Verborum 4115, ed. Neven Jovanovic [genus: prosa oratio - oratio] [numerus verborum] [modr-n-oratio-riar.xml].
Si vis in lexico quaerere, verbum elige et clavem 'd' in claviatura preme.
Vincebat ingenio humana consilia, et tantum grauioribus reipublicae
curis natus uidebatur; haec erat praecipua eius uoluptas, a qua nullis
aliis oblectamentis poterat diuelli, huius delectabatur gustu, huius
solius escis pascebatur. Omnium saluti die noctuque inseruiebat, et
tamen a nonnullis negligentiae accusabatur, quem tanquam superbum
difficilemque ingrati criminabantur cum tamen et mitissimus esset et
facillimus. Nouit hoc tantus domesticorum eius numerus, norunt amici
et alii omnes qui eius familiaritate usi fuerunt, quibus semper, cum
per publicas licuisset curas, placidum sese exhibebat, affabilem,
comem, benignum, ut socium crederes, non dominum.
Nikola Modruski (c. 1427-1480) [1474, Rim]: Oratio in funere Petri Riarii, versio electronica, Verborum 4115, ed. Neven Jovanovic [genus: prosa oratio - oratio] [numerus verborum] [modr-n-oratio-riar.xml].
|