Nikola Modruski (c. 1427-1480) [1474, Rim]: Oratio in funere Petri Riarii, versio electronica, Verborum 4115, ed. Neven Jovanovic [genus: prosa oratio - oratio] [numerus verborum] [modr-n-oratio-riar.xml].
Si vis in lexico quaerere, verbum elige et clavem 'd' in claviatura preme.
Vbi nunc sunt rubiginosa illa maliuolorum pectora, ubi sunt dirissimo
felle manantia praecordia, ubi rabidorum canum pestiferi
dentes, qui
inexpiabili temeritate ausi sunt os suum in caelo ponere et uicarii
Christi fratremque eius tam excellentissimorum patrum factum
damnare
atque illos praestantissimos uiros, qui prius a domino electi sunt a
quo sunt omnium regnorum potestates, quam a summo pontifice declarati,
perditissima audacia lacerare! Caue, caue tibi, lingua dolosa, ne deus
destruat te in finem, euellet te, et emigret te de tabernaculo tuo, et
radicem tuam de terra uiuentium.[ERROR: no reftable :]
Cf. Ps 52, 5
(51, 7): sed Deus destruet te in sempiternum terrebit et euellet te de tabernaculo et eradicabit te de terra uiuentium semper
Sed haec illi uiderunt qui fecerunt
linguam suam nouaculam acutam,[ERROR: no reftable :]
Cf. Ps 52, 2
(51, 4): insidias cogitat lingua tua quasi nouacula acuta faciens dolum
et sedentes aduersus fratrem suum tota
die concinnabant dolos. Sed haec illi uiderunt; nos interea reliquas
Petri uirtutes, non quibus debemus, sed quibus possumus, laudibus
persequamur . Itaque, ut propositus ordo postulat, nunc ipsius
prudentiam contemplemur, quamuis eius excellentia iam per ea, quae
narrauimus, magna ex parte potuit esse manifesta. Quamobrem tantum eam
partem attingam qua ita sese inter principes christianos gessit ut,
cum unius erga eum beniuolentiam consideres, credas ab aliis minime
dilectum.
Nikola Modruski (c. 1427-1480) [1474, Rim]: Oratio in funere Petri Riarii, versio electronica, Verborum 4115, ed. Neven Jovanovic [genus: prosa oratio - oratio] [numerus verborum] [modr-n-oratio-riar.xml].
|