Nikola Modruski (c. 1427-1480) [1474, Rim]: Oratio in funere Petri Riarii, versio electronica, Verborum 4115, ed. Neven Jovanovic [genus: prosa oratio - oratio] [numerus verborum] [modr-n-oratio-riar.xml].
Si vis in lexico quaerere, verbum elige et clavem 'd' in claviatura preme.
Iamque uicinus morti domesticos ac familiares accersiri iubet, quibus
presto exsistentibus in nullos prorupit fletus, nullis
mundanarum cupiditatum desideriis ingemuit, non deum, non fortunam
accusauit, nec se in medio iuuentutis flore ex tanto imperio et ex
talibus operibus subtrahi uel leuiter indoluit;
quin magno constantique pectore Sentio, inquit, filii
fratresque mei, manum domini super me aggrauari; uolens
lubensque eius presto sum uoluntati, eo
quidem libentior quo me et fame et gloriae meae satis uixisse scio. Cepi
enim illum ex hac mortalitate fructum quem maximum mea fortuna capere
potuit. Maius restabat nihil, quicquid
supererat, merito mihi suspectum metuendumque
fuisset. Proinde
licet cupiam dissolui et esse cum Christo, uror
tamen sola uestrarum rerum cura.[ERROR: no reftable :]
Cf. Philip. 1, 23--24
coartor
autem e duobus desiderium habens dissolui et cum Christo esse multo
magis melius permanere autem in carne magis necessarium est propter
uos .
Cognosco enim me tenuem uobis mercedem pro meritis
exhibuisse , tametsi nunquam mihi uoluntas defuerit, sed facultas. Et
nisi tanta temporis angustia prohibitus fuissem, nullus uestrum meae
gratitudinis uices doleret. Meritum, quod potui, moriens uobis
persolui. Supplicaui summo pontifici ut beneficia, quae in me
contulerat, sua clementia inter uos partiatur, ut et uos meritorum
uestrorum et me non prestiti officii minus paeniteat. Ad haec compellit
me et uehementius urget mea erga uos incredibilis caritas ut uos
horter atque obtester ne huius mundi illecebris atque lenociniis
animum uestrum inducatis, neue in luxu ac inanibus
eius diuitiis
spem ullam ponatis; quae quam fluxae
quamque fallaces
sint, ego unus uobis maximo possum esse documento. Credite quoniam
puluis et umbra sumus[ERROR: no reftable :]
Hor. C. 4, 7, 16
et non hic, sed
alibi permanentes habemus mansiones; ubi nihil corruptibile, nihil
caducum esse potest, sed omnia incorruptibilia, omnia
sempiterna. Proinde date operam probitati, et uirtuti totis uiribus
incumbite. Colite pietatem et integritati nihil anteponite, scientes unicuique uestrum propositam esse a domino laborum suorum mercedem; quae etiam si nulla esset, hoc tamen
ipsum pie
et sancte uixisse maxima uiro bono merces esse debet, quippe
cuius beneficio homines a brutis secernuntur, et nomen suum sempiternae
consecrant immortalitati.
Nikola Modruski (c. 1427-1480) [1474, Rim]: Oratio in funere Petri Riarii, versio electronica, Verborum 4115, ed. Neven Jovanovic [genus: prosa oratio - oratio] [numerus verborum] [modr-n-oratio-riar.xml].
|